Loading...

जाणून घ्या, बकरी ईदचे महत्त्व : कुर्बानी कोणी, कशी आणि कधी द्यावी

बकरीद कोणासाठी आहे, कुर्बानी कोणी द्यावी, कशी द्यावी, कधी द्यावी, कुर्बानीच्या मागील हेतू काय आहे आदींबाबत माहिती देत इस

Divya Marathi Aug 22, 2018, 13:05 IST

बकरीद कोणासाठी आहे, कुर्बानी कोणी द्यावी, कशी द्यावी, कधी द्यावी, कुर्बानीच्या मागील हेतू काय आहे आदींबाबत माहिती देत इस्लाममध्ये सूचना देण्यात आल्या आहेत. आज आम्ही तुम्हाला यासंबंधित संपूर्ण माहिती देत आहोत.


कुर्बानीचा हेतू
कुर्बानी देणार्‍या व्यक्तीच्या मनातील हेतू स्वच्छ आहे की नाही हेही अल्लाहला माहीत असते. अल्लाहचा आदेश मानून आणि त्याची कृपा प्राप्त करण्यासाठी कुर्बानी दिल्यास नक्कीच तो त्याची कृपा प्राप्त करेल. पण कुर्बानी देताना उगाचच दिखावा केल्यास अल्लाहला तो मंजूर नाही. कुर्बानी प्रतिष्ठेसाठी वा नाव कमवण्यासाठी देण्यात येत नाही तर अल्लाहच्या इबादतसाठी, कृपेसाठी देण्यात येते.


कुर्बानी कुणी द्यावी
ज्यांची क्षमता आहे अशा व्यक्तींनी कुर्बानी द्यावी. आपल्या क्षमतेनुसार जनावर घ्यावे. अल्लाहची कृपा प्राप्त करण्यासाठी कुर्बानी द्यावी. दिखाव्यासाठी मोठ मोठे जनावर आणू नये. क्षमता असेल तर चांगल्या भावनेतून आणावे. स्वतंत्र एक बकरा आणण्याची क्षमता नसेल तर मोठ्या जनावरामधील सात हिश्श्यात भाग घेऊ शकतो. ज्याची क्षमता असून सुध्दा जो व्यक्ती कुर्बानी देत नाही, अशा व्यक्तींनी ईदगाह मध्ये येऊ नये, अशी स्पष्ट सूचना इस्लाममध्ये देण्यात आली आहे. ईदच्या नमाजनंतर कुर्बानी द्यावी. कुर्बानी तीन दिवस (उर्दू तारीख १०, ११, १२) देण्यात येते.


कुर्बानी कुणाची द्यावी
कुर्बानी देण्यात आलेले जनावर परिपूर्ण तंदुरुस्त हवे. आजारी, अंध, अपंग, कान कापलेला नसावा. कुर्बानीच्या जनावरामध्ये एकही दोष नसावा. कुर्बानीनंतर जनावराची कातडी न विकता गरीब लोकांना द्यावी, अन्यथा मदरसामध्ये द्यावी.


कुर्बानीचे वाटप
कुर्बानी नंतरच्या मांसाचे वाटप कसे करावे असे सांगण्यात आले आहे. कुर्बानीनंतरच्या मांसाचे तीन भाग करावेत, असा सल्ला शरीयतमध्ये देण्यात आला आहे. एक हिस्सा गरीब लोकांमध्ये वाटावा. दुसरा आपल्या मित्र आणि नातेवाइकांमध्ये द्यावा आणि तिसरा हिस्सा आपल्या घरात घेऊन यावा. गरिबांमध्ये मात्र हे वाटलेच पाहिजे. चांगले मांस घरात ठेवू नये, मांस वाटताना पक्षपात करू नये, दिखाव्यासाठी न करता चांगल्या भावनेतून मांस वाटप करावे.


पुढील स्लाईड्सवर वाचा, ईदचा दिनक्रम आणि बकरीदची सुरुवात कशी झाली...


Loading...

Recommended


Loading...